Məişət Texnikası
Home Connect ilə ağıllı evinizin bütün imkanlarını açın və gündəlik işlərinizi sadələşdirin. Harada olursunuzsa olun, Bosch məişət cihazlarının hamısını Home Connect tətbiqi ilə uzaq məsafədən izləyin və idarə edin. Sadəcə tətbiqi yükləyin və bu gündən yeni ağıllı ev səyahətinizə başlayın.
Şam yeməyi – hazırdır!
Home Connect ilə ev cihazlarınızı öz istədiyiniz kimi idarə edə bilərsiniz. Qabyuyan maşının işini izləməkdən tutmuş, hələ mağazada olarkən sobanı öncədən qızdırmağa qədər hər şeyi rahatlıqla edə bilərsiniz. Hətta səsli köməkçinizi şəxsi baristanıza çevirə bilərsiniz – sadəcə deyin: “Alexa, qəhvə maşınıma de ki, mənim sevdiyim qəhvəni hazırlasın” və qalanını Bosch qəhvə maşınınız edəcək. Növbəti sifariş hazırdır!
Qoşulu ekosistem.
İstər səs köməkçilərini bişirmə rutininizə daxil etmək, istər enerji idarəçiliyində ağıllı davranmaq istəyin, Home Connect-in genişlənən qoşulu xidmət ekosistemi azadlıq və idarəetməni əlinizin içinə gətirir.
Ağıllı qabyuyanınızı “qab meneceri” vəzifəsinə yüksəldin.
Wi-Fi dəstəkli qabyuyan nədir? Bu, sadəcə çirkli qabları yuyan deyil, qabları “tanıyan” ağıllı bir cihazdır. İstər sərbəst quraşdırılan, istər tam inteqrasiya olunan, istər tam ölçülü, istərsə də slimline model seçin – Bosch Home Connect tətbiqi ilə qoşulduqda, cihazınız yüklənməyə uyğun ən yaxşı proqramı, enerji qənaətli rejimləri tövsiyə edir və hətta yeni tablet almağı xatırladır.
Və bizə görə ən yaxşı qabyuyan daim daha da təkmilləşəndir. Siz hər yuma dövrünün nəticəsini tətbiqdə qiymətləndirə bilərsiniz. Ağıllı qabyuyanınız öz səhvlərindən nəticə çıxararaq öyrənəcək.
Proqramlar? Problem deyil.
Bosch Home Connect tətbiqindəki Proqram Köməkçisi ilə tanış olun — əsl proqram ustasıdır. Yüklənmiş qabların sayını, növünü və yemək ləkəsi olub-olmadığını qeyd edin. Cihaz sizə intensiv təmizləmə, yoxsa ekoloji rejimin daha uyğun olduğunu tövsiyə edəcək. Daha sonra tətbiqdə yumanın bitməsinə qalan müddəti izləyə bilərsiniz. Və çünki cihazın Wi-Fi bağlantısı onu evinizdəki digər ağıllı qurğularla, məsələn, səsli köməkçilərlə əlaqələndirir, tamamilə əllərsiz istifadə mümkündür — mətbəxdə yemek bişirərkən Alexa və ya Hey Google vasitəsilə qabların vəziyyətini soruşa bilərsiniz.
Bosch ağıllı qabyuyan maşınları axına uyğun işləyir.
Üst-üstə iş düşəndə qabları yumağı unutmaq çox asandır. Wi-Fi funksiyalı Bosch qabyuyan maşını isə evdəki vərdişlərinizə uyğunlaşır. Səhər tələsik çıxıb maşını işə salmağı unutmusunuz? İşə çatanda sadəcə tətbiq vasitəsilə ağıllı qabyuyanınızı uzaqdan başladın – yuma tamamlananda özü avtomatik sönəcək.Bəs yemək demək olar hazırdır, amma qablar hələ yuyulmayıb? VarioSpeed sürətli yuma rejimi ilə prosesi üç dəfə tez bitirmək mümkündür. Hətta vacib zəng zamanı sükut lazımdırsa, Silence on Demand funksiyasını aktivləşdirərək Home Connect qabyuyanınızı səssiz rejimə keçirə bilərsiniz.
Ölçmək mümkündürsə, idarə etmək də olar.
Bosch ağıllı qabyuyan maşınları su və enerji sərfiyyatında da ağıllı seçimdir. Yenilikçi texnologiyalar sayəsində bu cihazlar əl ilə yumağa nisbətən 10 dəfə az su sərf edir¹. Bizim ən səmərəli proqramımız olan Eco 50°C, daha aşağı su temperaturunda yuduğu üçün Auto² rejimindən iki dəfə çox enerjiyə qənaət edir. Bu isə o deməkdir ki, qızdırma üçün daha az elektrik sərf olunur, amma qablar yenə də tam təmiz olur.
Ağıllı funksiyalar təmizlik prosesinə əlavə idarəetmə imkanı verir. Bosch Home Connect tətbiqi hər bir yuma dövrü üçün su və elektrik sərfiyyatını əvvəlcədən təxmin edir ki, siz daha səmərəli proqram seçə biləsiniz. Əgər Smart Start funksiyasını aktiv etsəniz, cihaz avtomatik olaraq işə düşmə vaxtını təxirə salacaq və bununla da bərpa olunan enerji və ya ucuz tariflərdən faydalanacaq.
Bonn Universitetinin SOFW Journal 3/2006 nəşrində dərc olunan bir araşdırmada Avropanın müxtəlif ölkələrindən 100-dən çox iştirakçı 13 nəfərlik qab dəstini əl ilə yuyub.
Dəyərlər modellərə görə fərqlənə bilər.
Ağıllı qabyuyan maşınınızın hesaba nəzarət edəcəyinə arxayın olun.
Tabletləri nə vaxt yeniləməli olduğunuz barədə bildirişdən tutmuş, cihazın özünəqayğı (machine care) proqramını işə salma xatırlatmasına qədər Bosch Home Connect tətbiqi həm gündəlik həyatı, həm də cihazın işləməsini asanlaşdırır.
Yeni Bosch Home Connect qabyuyanınıza hazırsınız?
Tərəfdaşlarla qoşulun və onu özünüzə uyğunlaşdırın.
Bosch Home Connect tərəfdaşlarımız ağıllı mətbəx təcrübənizə daha çox rahatlıq, idarəetmə imkanı və komfort qatır. Səsli köməkçilərdən tutmuş ağıllı enerji idarəetmə həllərinə və IFTTT™ avtomatlaşdırmalarına qədər istənilən funksiyanı inteqrasiya edə bilərsiniz. Seçim sizindir. Gəlin, xəyallarınızı sərbəst buraxın və gündəlik həyatınızı sadələşdirmək üçün yeni rutinlər yaradın.
Home Connect ilə bağlı Tez-tez Verilən Suallar.
Home Connect-ə necə qeydiyyatdan keçə bilərəm?
Home Connect tətbiqini yükləyin və hesab yaradın.
Bu tətbiqin qiyməti nə qədərdir və haradan yükləmək olar?
Tətbiq tamamilə pulsuzdur və iOS App Store və ya Google Play Store-dan yüklənə bilər. .
Cihazımı Home Connect tətbiqi ilə necə qoşa bilərəm?
Cihazınızı Home Connect vasitəsilə Wi-Fi şəbəkəsinə qoşmaq üçün verilmiş QR kodu skan edə bilərsiniz. QR kodu sizə təqdim olunan “Sürətli Başlanğıc Bələdçisi”ndə (Quick Start Guide) yerləşir. Əgər bu sənəd sizdə yoxdursa, sadəcə “Məndə çap olunmuş bələdçi yoxdur” düyməsini seçin və E-nömrənizi daxil edin. Alternativ olaraq, cihazınıza uyğun QR kodunu tapmaq üçün Home Connect vebsaytındakı Qoşulma Bələdçisindən (Connection Guide) istifadə edə bilərsiniz.
Home Connect cihazım qoşulma zamanı niyə görünmür?
Mobil cihazınızın Home Connect cihazını qoşduğunuz eyni Wi-Fi şəbəkəsinə bağlı olduğundan əmin olun. Əgər söhbət məhz aspirator (hood) və ocaqdan (hob) gedirsə, hər ikisinin Home Connect hesabınıza qoşulduğunu yoxlayın. Router ikili (dual band) şəbəkə dəstəkləyirsə, hər iki şəbəkənin adının fərqli olmasına diqqət edin. Wi-Fi genişləndirici (extender) istifadə edirsinizsə, onun adının da routerdən fərqli olduğuna və qoşulmanı extender üzərindən etdiyinizə əmin olun.
Home Connect tətbiqində cihazı seçdikdən sonra niyə Wi-Fi şəbəkəsinə qoşulmur?
Əgər Home Connect tətbiqi vasitəsilə cihazınıza səhv Wi-Fi parolu və ya məlumat göndərilibsə, cihaz şəbəkəyə qoşula bilməyəcək. Bunun üçün cihazınızda həmin şəbəkəni “unut” edib (forget) yenidən qoşulun və parolun düzgünlüyünü yoxlayın.
Home Connect cihazımla birlikdə gələn təlimatı itirmişəm, yenisini haradan tapa bilərəm?
Əgər təlimata çıxışınız yoxdursa, onu onlayn şəkildə buradan tapa bilərsiniz. .
Əlavə olaraq, cihazınızın E-nömrəsini (E-Number) bilirsinizsə, qoşulma prosesi zamanı “Məndə çap olunmuş bələdçi yoxdur” düyməsini seçərək bu nömrəni daxil edə və təlimatları birbaşa tətbiqdən əldə edə bilərsiniz.
Home Connect cihazımı qoşarkən hansı addımları yerinə yetirməliyəm?
Cihazınızla birlikdə verilmiş Home Connect quraşdırma təlimatına uyğun hərəkət edin. Hər bir cihaz üçün addımlar fərqlidir. Bu addımları qoşulma zamanı Home Connect tətbiqində də görə bilərsiniz.
Home Connect tətbiqi niyə Wi-Fi şəbəkəmə qoşulmur?
Cihazların bəziləri avtomatik olaraq internet bağlantısı olan şəbəkə axtarır. Qoşulma (pairing) zamanı mobil cihazınız məlumatları ötürmək üçün məişət cihazının yaratdığı Wi-Fi şəbəkəsinə bağlanır. Həmin şəbəkənin internetə çıxışı olmadığı üçün telefon avtomatik olaraq internetli başqa bir şəbəkəyə keçir və qoşulma prosesi yarımçıq qalır. Bunun qarşısını almaq üçün təyyarə rejimini (Airplane/Flight mode) aktiv edin, sonra Wi-Fi-ni yenidən qoşun və marşrutlaşdırıcınızın (router) Wi-Fi şəbəkəsinə qoşulduğunuza əmin olun. Bu halda qoşulma prosesi fasiləsiz davam edəcək..
Home Connect qoşulma prosesi Wi-Fi şəbəkəmə qoşulduqdan sonra niyə uğursuz olur?
Evinizdə olan başqa bir cihazla internetə daxil ola bildiyinizə əmin olun. İnternet bağlantısını yoxlamaq üçün mobil internetdən istifadə etməyin. Məişət cihazının quraşdırıldığı yerdə şəbəkə siqnalının güclü olduğuna diqqət yetirin.
Home Connect tətbiqində mənim Wi-Fi şəbəkəm niyə görünmür?
Routeri (həmçinin mövcuddursa, Wi-Fi gücləndirici və ya repeaterləri) elektrik şəbəkəsindən ayırın və bütün göstərici işıqların söndüyünə əmin olun. 30 saniyə gözlədikdən sonra routeri yenidən elektrikə qoşun. Router tam işə düşdükdən sonra bağlantını başqa bir mobil cihazla yoxlayın. Daha ətraflı məlumat üçün routerinizin istifadəçi təlimatına baxa bilərsiniz.
Home Connect tətbiqi hələ də işləmir, nə edə bilərəm?
Home Connect tətbiqini silin, daha sonra ən son versiyasını yenidən yükləyib quraşdırın. Bu addımdan sonra mobil cihazınızı yenidən başladın və qoşulma (pairing) prosesinə yenidən başlayın.
Home Connect cihazım hələ də qoşulmur, nə edə bilərəm?
Cihazınızı ilkin (factory) parametrlərinə qaytarmalısınız. Təlimat kitabçasında məişət cihazının sıfırlanması ilə bağlı göstərişləri tapa bilərsiniz.
Wi-Fi router üçün minimum tələblər varmı?
Home Connect sistemi bazarda mövcud olan bütün standart Wi-Fi routerlərlə işləyir, yetər ki, onların yaşı təxminən beş ildən çox olmasın. Təhlükəsizlik baxımından Wi-Fi şəbəkəsinin mütləq şifrələnmiş olması tələb olunur (WPA və ya WPA2). Əgər şəbəkəniz şifrəsizdirsə, cihazınızı qeydiyyatdan keçirmək mümkün olmayacaq.
Tətbiqimdə xəta kodu var. Bu nə deməkdir?
Bu kodun nə demək olduğunu və problemin necə aradan qaldırılacağını Home Connect saytında ətraflı şəkildə tapa bilərsiniz. Bütün xəta kodlarına baxın.
Home Connect məlumatlarımı qoruyurmu?
Dəyərli məlumatlarınızın təhlükəsizliyini təmin etmək üçün Home Connect yalnız şifrələnmiş Wi-Fi şəbəkələri (WPA və ya WPA2) ilə işləyir. Beləliklə, Home Connect istifadəçi üçün mümkün qədər təhlükəsizdir. Buna həmçinin peşəkar hakerlərə qarşı qorunmaq üçün müntəzəm sistem yoxlamaları da daxildir.
Home Connect hansı əməliyyat sistemlərində mövcuddur?
Home Connect tətbiqi iOS və Android üçün mövcuddur.
Home Connect hansı Bosch cihazlarını dəstəkləyir?
Bosch veb saytında məhsullara baxarkən filtr seçimlərindən “Smart Appliance” seçin və sizə Home Connect ilə uyğun cihazlar göstəriləcək.
Həmçinin hər hansı konkret cihazın məhsul səhifəsində Home Connect qeydinin olub-olmadığını yoxlaya bilərsiniz. Eyni zamanda, cihazınızın təlimat kitabçasına baxaraq onun Home Connect funksiyasına malik olub-olmadığını müəyyən edə bilərsiniz.
