Məişət Texnikası
Home Connect ilə ağıllı evinizin bütün imkanlarını açın və gündəlik işlərinizi sadələşdirin. Harada olursunuzsa olun, Bosch məişət cihazlarının hamısını Home Connect tətbiqi ilə uzaq məsafədən izləyin və idarə edin. Sadəcə tətbiqi yükləyin və bu gündən yeni ağıllı ev səyahətinizə başlayın.
Şam yeməyi – hazırdır!
Home Connect ilə ev cihazlarınızı öz istədiyiniz kimi idarə edə bilərsiniz. Qabyuyan maşının işini izləməkdən tutmuş, hələ mağazada olarkən sobanı öncədən qızdırmağa qədər hər şeyi rahatlıqla edə bilərsiniz. Hətta səsli köməkçinizi şəxsi baristanıza çevirə bilərsiniz – sadəcə deyin: “Alexa, qəhvə maşınıma de ki, mənim sevdiyim qəhvəni hazırlasın” və qalanını Bosch qəhvə maşınınız edəcək. Növbəti sifariş hazırdır!
Qoşulu ekosistem.
İstər səs köməkçilərini bişirmə rutininizə daxil etmək, istər enerji idarəçiliyində ağıllı davranmaq istəyin, Home Connect-in genişlənən qoşulu xidmət ekosistemi azadlıq və idarəetməni əlinizin içinə gətirir.
Ağıllı cihazlarla yemək hazırlamaq heç də çətin deyil.
Ağıllı induksiya paneliniz və aspiratorunuzla eyni anda bir neçə iş görmək problem deyil. Onları smartfonunuzdakı Bosch Home Connect tətbiqi ilə qoşduqdan sonra, cihazlarınızın ağıllı funksiyaları vvəlcə ilhamverici reseptlər kitabxanasını kəşf etməklə bir çox işi sizin yerinizə həll edəcək. Seçdiyiniz reseptin parametrlərini birbaşa ağıllı bişirmə səthinizə göndərə bilərsiniz. Daxili sensorlar temperaturu nəzarətdə saxlayır və enerji sərfini minimuma endirir. Etməli olduğunuz yeganə şey ədviyyatı düzgün əldə etməyə diqqət yetirməkdir.
Hər bir reseptdə həm əllər azaddır, həm də ev rahat.
Əllər yapışqan və vəziyyət də qəlizdirmi? Əllərinizi işə qatmadan ağıllı aspiratorunuzu və bişirmə panelinizi səs vasitəsilə idarə edin. Google Home və ya Amazon Alexa Bosch Home Connect tətbiqinə qoşulduqda, səsli köməkçiniz bişirərkən güclü işıqlandırmaya, yemək zamanı isə rəngli ab-hava işıqlarına keçid edə bilər. Ondan taymer qurmağı və ya havanı təmiz saxlamaq üçün aspiratorun səviyyəsini artırmağı istəyə bilərsiniz. Və əlbəttə, Bosch Home Connect bişirmə panellərinin istənilən zonasındakı istiliyi tənzimləmək də bir o qədər asandır.
Özünüzə bir yaxşılıq edin. Sevimlilərlə.
Bosch Home Connect tətbiqi ilə birlikdə ağıllı induksiya paneliniz və aspiratorunuz sizi ürəyinizdən keçən yeməyə aparır. Əgər siz, qonaqlarınız və ya ailəniz hansısa yeməyi çox sevirsə, həmin resepti ürək işarəsi ilə qeyd edin və onu Bosch Home Connect tətbiqində “Sevimlilər” bölməsində asanlıqla yenidən tapa biləcəksiniz.
Təzə hava üçün qüvvələr birləşir.
Təsəvvür edin ki, wifi ilə işləyən aspiratorunuz və bişirmə paneliniz sanki tək bir cihaz kimi işləyir. Artıq bu mümkündür. Onları tətbiq vasitəsilə bir-birinə bağlayın və tam uyğunluqla işləsinlər. Bu o deməkdir ki, ağıllı induksiya panelinizdə istənilən bişirmə zonasını işə saldıqda, aspirator avtomatik olaraq aktivləşəcək. Hava keyfiyyəti sensoru sayəsində yeməyi bişirib qurtardıqdan sonra özü də avtomatik sönəcək. Aspirator tətbiqində parametrləri dəyişmək qoxuları aradan qaldırmaq qədər tez və rahatdır. Ventilyator səviyyəsi, hava dövriyyəsi rejimi və işləmə müddəti barmaq ucunuzdadır. Bu, təmiz havada dərindən bir nəfəs almaq kimi deyilmi?
Texniki qulluq – asanlaşdırıldı.
Bosch Home Connect tətbiqi ağıllı aspiratorunuzun “sağlamlığını” qorumağı çox rahat edir. Yağ və qoxu filtrlərini yumaq, dəyişmək və ya regenerasiya etmək vaxtı çatmazdan əvvəl smartfonunuza vaxtında bildiriş göndərilir. Asan izlənən göstərişlər sayəsində isə işinizi göz açıb yumunca bitirirsiniz. Beləcə, aspiratorunuzun və bütün yemək qoxularının nəzarətdə olduğuna əmin ola bilərsiniz.
Bosch-dan ağıllı bişirmə cihazları.
Tərəfdaşlarla qoşulun və onu özünüzə uyğunlaşdırın.
Bosch Home Connect tərəfdaşlarımız ağıllı mətbəx təcrübənizə daha çox rahatlıq, idarəetmə imkanı və komfort qatır. Səsli köməkçilərdən tutmuş ağıllı enerji idarəetmə həllərinə və IFTTT™ avtomatlaşdırmalarına qədər istənilən funksiyanı inteqrasiya edə bilərsiniz. Seçim sizindir. Gəlin, xəyallarınızı sərbəst buraxın və gündəlik həyatınızı sadələşdirmək üçün yeni rutinlər yaradın.
Home Connect ilə bağlı Tez-tez Verilən Suallar.
Home Connect-ə necə qeydiyyatdan keçə bilərəm?
Home Connect tətbiqini yükləyin və hesab yaradın.
Bu tətbiqin qiyməti nə qədərdir və haradan yükləmək olar?
Tətbiq tamamilə pulsuzdur və iOS App Store və ya Google Play Store-dan yüklənə bilər. .
Cihazımı Home Connect tətbiqi ilə necə qoşa bilərəm?
Cihazınızı Home Connect vasitəsilə Wi-Fi şəbəkəsinə qoşmaq üçün verilmiş QR kodu skan edə bilərsiniz. QR kodu sizə təqdim olunan “Sürətli Başlanğıc Bələdçisi”ndə (Quick Start Guide) yerləşir. Əgər bu sənəd sizdə yoxdursa, sadəcə “Məndə çap olunmuş bələdçi yoxdur” düyməsini seçin və E-nömrənizi daxil edin. Alternativ olaraq, cihazınıza uyğun QR kodunu tapmaq üçün Home Connect vebsaytındakı Qoşulma Bələdçisindən (Connection Guide) istifadə edə bilərsiniz.
Home Connect cihazım qoşulma zamanı niyə görünmür?
Mobil cihazınızın Home Connect cihazını qoşduğunuz eyni Wi-Fi şəbəkəsinə bağlı olduğundan əmin olun. Əgər söhbət məhz aspirator (hood) və ocaqdan (hob) gedirsə, hər ikisinin Home Connect hesabınıza qoşulduğunu yoxlayın. Router ikili (dual band) şəbəkə dəstəkləyirsə, hər iki şəbəkənin adının fərqli olmasına diqqət edin. Wi-Fi genişləndirici (extender) istifadə edirsinizsə, onun adının da routerdən fərqli olduğuna və qoşulmanı extender üzərindən etdiyinizə əmin olun.
Home Connect tətbiqində cihazı seçdikdən sonra niyə Wi-Fi şəbəkəsinə qoşulmur?
Əgər Home Connect tətbiqi vasitəsilə cihazınıza səhv Wi-Fi parolu və ya məlumat göndərilibsə, cihaz şəbəkəyə qoşula bilməyəcək. Bunun üçün cihazınızda həmin şəbəkəni “unut” edib (forget) yenidən qoşulun və parolun düzgünlüyünü yoxlayın.
Home Connect cihazımla birlikdə gələn təlimatı itirmişəm, yenisini haradan tapa bilərəm?
Əgər təlimata çıxışınız yoxdursa, onu onlayn şəkildə buradan tapa bilərsiniz. .
Əlavə olaraq, cihazınızın E-nömrəsini (E-Number) bilirsinizsə, qoşulma prosesi zamanı “Məndə çap olunmuş bələdçi yoxdur” düyməsini seçərək bu nömrəni daxil edə və təlimatları birbaşa tətbiqdən əldə edə bilərsiniz.
Home Connect cihazımı qoşarkən hansı addımları yerinə yetirməliyəm?
Cihazınızla birlikdə verilmiş Home Connect quraşdırma təlimatına uyğun hərəkət edin. Hər bir cihaz üçün addımlar fərqlidir. Bu addımları qoşulma zamanı Home Connect tətbiqində də görə bilərsiniz.
Home Connect tətbiqi niyə Wi-Fi şəbəkəmə qoşulmur?
Cihazların bəziləri avtomatik olaraq internet bağlantısı olan şəbəkə axtarır. Qoşulma (pairing) zamanı mobil cihazınız məlumatları ötürmək üçün məişət cihazının yaratdığı Wi-Fi şəbəkəsinə bağlanır. Həmin şəbəkənin internetə çıxışı olmadığı üçün telefon avtomatik olaraq internetli başqa bir şəbəkəyə keçir və qoşulma prosesi yarımçıq qalır. Bunun qarşısını almaq üçün təyyarə rejimini (Airplane/Flight mode) aktiv edin, sonra Wi-Fi-ni yenidən qoşun və marşrutlaşdırıcınızın (router) Wi-Fi şəbəkəsinə qoşulduğunuza əmin olun. Bu halda qoşulma prosesi fasiləsiz davam edəcək..
Home Connect qoşulma prosesi Wi-Fi şəbəkəmə qoşulduqdan sonra niyə uğursuz olur?
Evinizdə olan başqa bir cihazla internetə daxil ola bildiyinizə əmin olun. İnternet bağlantısını yoxlamaq üçün mobil internetdən istifadə etməyin. Məişət cihazının quraşdırıldığı yerdə şəbəkə siqnalının güclü olduğuna diqqət yetirin.
Home Connect tətbiqində mənim Wi-Fi şəbəkəm niyə görünmür?
Routeri (həmçinin mövcuddursa, Wi-Fi gücləndirici və ya repeaterləri) elektrik şəbəkəsindən ayırın və bütün göstərici işıqların söndüyünə əmin olun. 30 saniyə gözlədikdən sonra routeri yenidən elektrikə qoşun. Router tam işə düşdükdən sonra bağlantını başqa bir mobil cihazla yoxlayın. Daha ətraflı məlumat üçün routerinizin istifadəçi təlimatına baxa bilərsiniz.
Home Connect tətbiqi hələ də işləmir, nə edə bilərəm?
Home Connect tətbiqini silin, daha sonra ən son versiyasını yenidən yükləyib quraşdırın. Bu addımdan sonra mobil cihazınızı yenidən başladın və qoşulma (pairing) prosesinə yenidən başlayın.
Home Connect cihazım hələ də qoşulmur, nə edə bilərəm?
Cihazınızı ilkin (factory) parametrlərinə qaytarmalısınız. Təlimat kitabçasında məişət cihazının sıfırlanması ilə bağlı göstərişləri tapa bilərsiniz.
Wi-Fi router üçün minimum tələblər varmı?
Home Connect sistemi bazarda mövcud olan bütün standart Wi-Fi routerlərlə işləyir, yetər ki, onların yaşı təxminən beş ildən çox olmasın. Təhlükəsizlik baxımından Wi-Fi şəbəkəsinin mütləq şifrələnmiş olması tələb olunur (WPA və ya WPA2). Əgər şəbəkəniz şifrəsizdirsə, cihazınızı qeydiyyatdan keçirmək mümkün olmayacaq.
Tətbiqimdə xəta kodu var. Bu nə deməkdir?
Bu kodun nə demək olduğunu və problemin necə aradan qaldırılacağını Home Connect saytında ətraflı şəkildə tapa bilərsiniz. Bütün xəta kodlarına baxın.
Home Connect məlumatlarımı qoruyurmu?
Dəyərli məlumatlarınızın təhlükəsizliyini təmin etmək üçün Home Connect yalnız şifrələnmiş Wi-Fi şəbəkələri (WPA və ya WPA2) ilə işləyir. Beləliklə, Home Connect istifadəçi üçün mümkün qədər təhlükəsizdir. Buna həmçinin peşəkar hakerlərə qarşı qorunmaq üçün müntəzəm sistem yoxlamaları da daxildir.
Home Connect hansı əməliyyat sistemlərində mövcuddur?
Home Connect tətbiqi iOS və Android üçün mövcuddur.
Home Connect hansı Bosch cihazlarını dəstəkləyir?
Bosch veb saytında məhsullara baxarkən filtr seçimlərindən “Smart Appliance” seçin və sizə Home Connect ilə uyğun cihazlar göstəriləcək.
Həmçinin hər hansı konkret cihazın məhsul səhifəsində Home Connect qeydinin olub-olmadığını yoxlaya bilərsiniz. Eyni zamanda, cihazınızın təlimat kitabçasına baxaraq onun Home Connect funksiyasına malik olub-olmadığını müəyyən edə bilərsiniz.
